பிரான்ஸின் நீஸ் நகரில் லொரியால் மோதி 84 பேரைக் கொன்ற நபரை பொலிஸார் அடையாளம் கண்டுள்ளனர்.
துனீஷியாவைப் பூர்வீகமாகக் கொண்ட பிரான்ஸ் பிரஜை மொஹமட் லஹ்வீஸ் புஹ்லெல் என அடையாளம் காணப்பட்டுள்ளார்.
31 வயதான குறித்த நபர், குற்றச் செயல்களுடன் தொடர்புபட்டவர் எனினும் தீவிரவாத எண்ணம் கொண்டவர்கள் பட்டியலில் அவரது பெயர் இடம்பெற்றிருக்கவில்லை என கூறப்பட்டுள்ளது.
நீஸில் உள்ள இவரது வீடு குறித்து பொலிஸார் தற்போது விசாரணைகளை ஆரம்பித்துள்ளனர்.
இவர் தனியாக இந்தச் செயலை செய்தாரா அல்லது வேறு யாரேனும் உடனிருந்தார்களா என்பது தொடர்பில் தெளிவில்லை.
மேலும், இந்தத் தாக்குதலுக்கு இதுவரை எந்தக் குழுவும் பொறுப்பேற்கவில்லை.
