பனடோல் மாத்திரையின் பாதி ஒன்றரை வயது குழந்தையின் தொண்டைப் பகுதியில் அடைத்த நிலையில் வைத்தியசாலையில் அனுமதிக்கப்பட்ட அந்த குழந்தை இறந்துள்ளது. இந்த சம்பவம் இன்று மதியம் சிலாபம் வைத்தியசாலையில் இடம்பெற்றது.
சிலாபம் கரவிடாகாரய பிரதேசத்தை சேர்ந்த சங்கல்ப என்ற குழந்தையே சம்பவத்தில் உயிரிழந்துள்ளது. குழந்தைக்கு ஏற்பட்ட சுகவீனம் காரணமாக பெற்றோர் குழந்தைக்கு பாதி பனடோல் மாத்திரையின் பாதியை கொடுத்துள்ளனர்.
குழந்தையால் அதனை விழுங்க முடியாத நிலையில் அது தொண்டையை அடைத்துள்ளது.
இதனையடுத்து குழந்தை சிலாபம் வைத்தியசாலைக்கு கொண்டு செல்லப்பட்டு அனுமதிக்கப்பட்ட போதிலும், ஆரம்ப சிகிச்சை பிரிவிலேயே குழந்தை இறந்து போனது என மருத்துவர்கள் தெரிவித்துள்ளனர்.
