நாட்டில் HIV தொற்றுக்குள்ளானவர்களில் 25 வீதமானவர்கள் மாத்திரமே மருத்துவ சிகிச்சைகளை பெறுவதாக சுகாதார அமைச்சு குறிப்பிட்டுள்ளது.
இலங்கையில் HIV தொற்றுக்குள்ளான 4200 பேர் காணப்படுவதாக பாலியல் நோய் மற்றும் எயிட்ஸ் தடுப்பு பிரிவின் பணிப்பாளர் டொக்டர் சிசிர லியனகே தெரிவித்துள்ளார்.
வருடத்தின் இதுவரையான காலப்பகுதிக்குள் மாத்திரம் எச்.ஐ.வி தொற்றுக்குள்ளான 128 பேர் அடையாளங் காணப்பட்டுள்ளதாக டொக்டர் சிசிர லியனகே தெரிவித்துள்ளார்.
இதேவேளை, உலகளாவிய ரீதியில் 39 மில்லியன் பேர் HIV தொற்றுக்குள்ளாகியுள்ளதாக சுகாதார அமைச்சு குறிப்பிட்டுள்ளது.
ஒரு வருடத்திற்கு 25 இலட்சமானோர் எச்.ஐ.வி தொற்றுக்குள்ளாகுவதாக சுகாதார அமைச்சின் பாலியல் நோய் மற்றும் எயிட்ஸ் தடுப்பு பிரிவின் பணிப்பாளர் டொக்டர் சிசிர லியனகே தெரிவித்துள்ளார். 79 நாடுகளில் HIV தொற்று பரவியுள்ளதாகவும் அவர் கூறியுள்ளார்.
