இந்திய இரசிகர்களையும் மகிழ்ச்சியில் ஆழ்த்திய இலங்கை அணியின் வெற்றி!!

இலங்கையில் சுற்றுப்பயணம் மேற்கொண்டுள்ள அவுஸ்திரேலிய கிரிக்கெட் அணி மூன்று டெஸ்ட் போட்டிகளிலும் தோல்வியடைந்ததால், ஐ.சி.சி. டெஸ்ட் தரவரிசையில் இந்திய அணி முதலிடத்திற்கு முன்னேறியது.

முன்னதாக அவுஸ்திரேலிய கிரிக்கெட் அணி டெஸ்ட் தரவரிசையில் முதலிடத்தில் இருந்தது. 118 தரவரிசைப் புள்ளிகளுடன் இலங்கையுடனான டெஸ்ட் தொடரைத் தொடங்கிய அவுஸ்திரேலியா 0-3 என தொடரை இழந்தது.

இதையடுத்து ஐ.சி.சி. டெஸ்ட் தரவரிசையில் முதலிடத்தை பறிகொடுத்த அவுஸ்திரேலிய அணி, 108 புள்ளிகளுடன் மூன்றாமிடத்திற்கு சென்றது. இதனால் 112 புள்ளிகள் பெற்றிருந்த இந்திய அணி முதலிடத்திற்கு முன்னேறியது.

அவுஸ்திரேலிய அணியின் தோல்வி மற்றும் இங்கிலாந்துக்கு எதிரான டெஸ்ட் தொடரை 2-2 என சமன் செய்ததால் பாகிஸ்தான் அணி 111 புள்ளிகளுடன் இரண்டாமிடத்திற்கு முன்னேறியது.

அதேசமயம் மேற்கிந்திய தீவுகள் அணியை இந்திய அணி வெற்றிபெறாவிட்டால் பாகிஸ்தான் அணி முதல் முறையாக முதலிடத்திற்கு முன்னேறும்.

இலங்கை அணியைப் பொருத்தவரை, 85 தரவரிசைப் புள்ளிகளுடன் இந்த தொடரைத் தொடங்கியது. 3 போட்டிகளிலும் அவுஸ்திரேலியாவை வென்றதால் தற்போது 95 புள்ளிகளுடன் தென்னாபிரிக்காவை முந்தி 6வது இடத்தைப் பிடித்தது.