தொடர்ந்து வெடிக்கும் பட்டரிகள் : கலக்ஸி 7 ரக கைப்பேசி விற்பனையை நிறுத்தியது சம்சுங்!!

பட்டரிகள் வெடிப்பதாக முறைப்பாடுகள் முன்வைக்கப்பட்டதையடுத்து, கலக்ஸி 7 ரக செல்போன் விற்பனையை நிறுத்துவதாக சம்சுங் நிறுவனம் அறிவித்துள்ளது.

சாம்சங் கலக்ஸி 7 அறிமுகப்படுத்தப்பட்டு இரண்டு வாரங்களே கடந்துள்ள நிலையில், இந்த அறிவிப்பு வெளியாகியுள்ளது.

இந்த புதிய ரக மொபைல் போன்களை வாங்கியிருந்தவர்கள் சிலர், சார்ஜ் செய்யும் போது போன் வெடித்துவிட்டதாக முறைப்பாடு செய்துள்ளனர்.

ஏற்கனவே கலக்ஸி 7 ரக போன்களை வாங்கியிருப்பவர்கள் அதற்குப் பதிலாக புதியதொரு ஸ்மார்ட்போனை பெற்றுக்கொள்ள முடியும் என சம்சுங் அறிவித்துள்ளது.

சம்சுங் கலக்ஸி 7 அறிமுகப்படுத்தப்பட்டதில் இருந்து இதுவரை 10 இலட்சம் போன்கள் விற்கப்பட்டுள்ளமை குறிப்பிடத்தக்கது.