ஸ்கைப் கணக்கு வைத்திருப்பவர்களுக்கு அடித்த அதிஷ்டம்!!

கணணி உலகில் ஜாம்பவானாக திகழும் மைக்ரோசொப்ட் நிறுவனம் மென்பொருள் வடிவமைப்பு மட்டுமன்றி பல்வேறு சேவைகளையும் வழங்கி வருகின்றது.

இவற்றில் ஸ்கைப் எனப்படும் வீடியோ, குரல்வழி அழைப்புக்கள் உட்பட கோப்புக்களை பரிமாற்றிக் கொள்ளும் சேவையாகும்.

இச் சேவையில் கணக்கு ஒன்றினை உருவாக்குவதற்கு ஏனைய நிறுவனங்களின் மின்னஞ்சல் முகவரிகளையும் நாம் பயன்படுத்திக்கொள்ள முடியும்.

அவ்வாறு உருவாக்கப்பட்ட ஸ்கைப் கணக்கினை கொண்டு இனிமேல் மைக்ரோசொப்ட் நிறுவனத்தின் ஏனைய அனைத்து சேவைகளுக்கும் பயன்படுத்த முடியும் என அந் நிறுவனம் அறிவித்துள்ளது.

உதாரணமாக Office, OneDrive, Xbox உட்பட அனைத்து மைக்ரோசொப்ட் சேவைகளிலும் உள் நுழைவதற்கு பயன்படுத்த முடியும்.

இதேபோன்று கூகுளின் ஜிமெயில் மின்னஞ்சல் முகவரியினைக் கொண்டுள்ள ஒருவர் அந் நிறுவனத்தின் பல்வேறு சேவைகளையும் பயன்படுத்தக்கூடிய வசதி ஏற்கனவே உள்ளமை குறிப்பிடத்தக்கது.