‘‘கம்பீர சிங்கம்’’ என்பதற்கேற்ப எதிலும் தங்களது கம்பீரத்தை வெளிப்படுத்தும் சிம்ம ராசி வாசகர்களே! ராசியில் ஆட்சியாக இருக்கும் ராசிநாதனால் எந்தத் துறையிலும் முத்திரையைப் பதிப்பீர்கள். மூன்றாம் இடத்தில் இருக்கும் சனி ராகுவால் இடம் விட்டு இடம் பெயரும் சூழ்நிலை உருவாகும்.
கூடா நட்பை கைவிடவும். உறவினர்கள் வகையில் மனக்கசப்பு வரலாம். வெளியூர் பயணம் ஏற்படும். அதீத உழைப்பின் மூலமே அனைத்து நற்பலன்களையும் பெற முடியும். லாபஸ்தான இடத்தில் இருக்கும் பஞ்சமாதிபதி குருவின் பலத்தால் பல்வேறு முன்னேற்றங்களைப் பெறலாம்.
உங்கள் முயற்சிகளில் வெற்றியையும் பொருளாதார வளத்தையும் மூன்றாம் இடத்தில் இருக்கும் ராகு அள்ளித் தருவார். குடும்பத்தில் மகிழ்ச்சி அதிகரிக்கும். கணவன்- மனைவி இடையே அன்பு பெருகும். உறவுகள் உதவும். குடும்பத்தில் சுப நிகழ்ச்சிகள் நடக்கும். பெண்களால் அனுகூலம் கிடைக்கும். குழந்தை பாக்கியம் கிடைக்கும்.
வீடு, மனை வாங்கும் யோகம் சிலருக்கு கூடி வரும். மாதப் பிற்பாதியில் புதிய சொத்துக்கள் வாங்க நேரம் கூடிவரும். உத்யோகம் பார்ப்பவர்களுக்கு முன்னேற்றம் கிடைக்கும். பதவி உயர்வு, சம்பள உயர்வு போன்றவை தங்கு தடையின்றி கிடைக்கும்.
சிலருக்கு நல்ல வேலை கிடைக்கும். வியாபாரிகளுக்கு அலைச்சல் இருந்தாலும் கடந்த காலத்தை விட கூடுதல் வருவாய் கிடைக்கும். கலைஞர்கள், புதிய ஒப்பந்தங்கள் கிடைக்கப் பெறுவர். புகழ் பாராட்டு கிடைக்கும். மாணவ மணிகள் தொடர்ந்து சிறப்பான நிலையில் இருப்பர். நல்ல மதிப்பெண்கள் கிடைக்கும்.
பொதுநல சேவகர்கள் நல்ல முன்னேற்றம் காண்பர். அரசியல்வாதிகளுக்கு மாத பின்பகுதி நன்றாக இருக்கும். எதிர்பார்த்த பதவியை அடையலாம். பெண்கள் உற்சாகமாக காணப்படுவர். பிள்ளை வளர்ப்பில் பெருமை அடைவீர்கள்.
பரிகாரம் : சிவன் கோயிலுக்குச் சென்று நல்லெண்ணெய் தீபம் ஏற்றவும்.
சொல்ல வேண்டிய மந்திரம் : “ஓம் நமசிவாய நமஹ’’ என்ற மந்திரத்தை தினமும் 11 முறை கூறவும்.
சிறப்பு பரிகாரம் : வில்வத் தளங்களால் சிவனுக்கு அர்ச்சனை செய்யவும். தினமும் சூரிய நமஸ்காரம் செய்யவும்.
சந்திராஷ்டம தினங்கள் : 19, 20, 21 ஆகிய திகதிகளில் புதிய முயற்சிகள் வேண்டாம்.
அதிர்ஷ்ட கிழமைகள் :
வளர்பிறை : ஞாயிறு, புதன், வெள்ளி.
தேய்பிறை : ஞாயிறு, புதன், வெள்ளி.
