அஜீத்தின் ஆரம்பம் பட பாடல்கள் வரும் 19ம் திகதி வெளியாகின்றன. இப்படத்தில் அஜீத்- நயன்தாரா ஜோடியாக நடித்துள்ளனர். இன்னொரு ஜோடியாக ஆர்யா, டாப்ஸி வருகிறார்கள். தெலுங்கு நடிகர் ராணாவும் முக்கிய கதாபாத்திரத்தில் வருகிறார்.
விஷ்ணுவர்த்தன் இயக்கியுள்ளார். யுவன்சங்கர் ராஜா இசையமைத்துள்ளார். இதன் படப்பிடிப்பு முடிந்து டப்பிங் ரீரிக்கார்டிங், மிக்சிங் கிராபிக்ஸ் பணிகள் நடந்து வருகின்றன. இந்த நிலையில் படத்தின் பாடல்களை வருகிற 19ம் திகதி வெளியிட முடிவு செய்துள்ளனர்.
முந்தைய அஜீத் படங்களுக்கு இசை வெளியீட்டு விழாக்களை பிரமாண்டமாக நடத்தியது இல்லை. எனவே ஆரம்பம் பட பாடல்களையும் விழா நடத்தாமலேயே நேரடியாக ஓடியோ கடைகளுக்கு விநியோகம் செய்கின்றனர். ஆரம்பம் படம் தீபாவளிக்கு வெளியாகின்றது.
