தலைவர் பதவியை இழப்பதில் தாம் வருத்தமடையப் போவதில்லை என பாகிஸ்தான் அணித் தலைவர் மிஸ்பா உல் ஹக் குறிப்பிட்டுள்ளார்.
சம்பியன்ஸ் 20-20 கிரிக்கெட் போட்டிகளில் பங்குபற்றிய பின்னர் நாடு திரும்பிய அவர் லாஹூரில் வைத்து இந்தக் கருத்துக்களை வெளியிட்டுள்ளார். எனினும் தேசிய அணியின் தலைவராக தொடர்ந்தும் சேவையாற்ற தாம் தயராகவுள்ளதாகவும் அவர் குறிப்பிட்டுள்ளார்.
சிம்பாவே அணிக்கெதிரான டெஸ்ட் மற்றும் சர்வதேச ஒருநாள் போட்டிகளில் அடைந்த தோல்விகளை அடுத்து மிஸ்பா உல் ஹக் மீது பல்வேறு விமர்சனங்கள் முன்வைக்கப்பட்டுள்ளன.
இந்த நிலையில் தலைவர் பதவியை தாம் கோரவில்லை எனவும், அதனை பெறுவதற்கு வற்புறுத்தவில்லை எனவும் பாகிஸ்தான் அணித் தலைவர் மிஸ்பா உல் ஹக் சுட்டிக்காட்டியுள்ளார்.
தலைவர் விவகாரம் தொடர்பான தீர்மானத்தை பாகிஸ்தான் கிரிக்கெட் சபையே தற்போதும் மேற்கொள்வதாக அவர் கூறியுள்ளார்.
