விஜய் சேதுபதி நடிப்பில் மாறுபட்ட கதைக்களத்துடன் வெளியாகி வெற்றி பெற்ற படம் சூதுகவ்வும். இப்படத்தை நலன் குமாரசாமி இயக்கினார். இந்தப் படத்தைத் தொடர்ந்து நலன் தற்போது புதிய படம் ஒன்றை இயக்கவிருக்கிறார். இந்த படத்திற்கு எஸ்கிமோ காதல் என்று யெர் வைத்திருக்கிறார்.
இப்படத்தை சூதுகவ்வும் படத்தை தயாரித்த திருக்குமரன் என்டர்டெய்ன்மெண்ட் நிறுவனமே தயாரிக்கிறது. படத்தில் நடிப்பதற்கான நடிகர், நடிகை, தொழில்நுட்ப கலைஞர்கள் தேர்வு தற்போது நடைபெற்று வருகிறது. விரைவில் படப்பிடிப்பை தொடங்க திட்டமிட்டுள்ளனர்.
நலன் குமாரசாமி இயக்கத்தில் சூர்யா ஒரு படத்தில் நடிக்க ஒப்பந்தமாகி உள்ளார். இந்நிலையில் நலன் குமாரசாமி இந்த படத்தின் அறிவிப்பை வெளியிட்டுள்ளதால் இந்த படத்தில்தான் சூர்யா நடிக்கவிருக்கிறார் என்று கோலிவுட் வட்டாரங்களில் பேசப்படுகிறது. ஆனால், இயக்குனரோ, தயாரிப்பாளரோ இதுகுறித்து எந்தவித பதிலும் சொல்லவில்லை.
