150 சீ.சீக்கும் குறைவான வலு கொண்ட இயந்திரங்களைக் கொண்ட மோட்டார் சைக்கிள்களின் இறக்குமதி வரியை 90 வீதமாக குறைக்க அரசாங்கம் தீர்மானித்துள்ளது.
நேற்று நள்ளிரவு முதல் இது அமுலுக்கு வரும் என நிதியமைச்சர் மங்கள சமரவீர அறிவித்துள்ளார்.
இதனைத் தவிர சிறிய லொறிகள், சிங்கிள் கெப் வண்டிகளுக்கான வரி 3 லட்சம் ரூபாவால் குறைக்கப்பட்டுள்ளது எனவும் அமைச்சர் குறிப்பிட்டுள்ளார்.
புதிய அரசாங்கம் பதவிக்கு வந்து இரண்டு ஆண்டுகள் பூர்த்தியாகியுள்ளதை முன்னிட்டு இந்த வரி நிவாரண அறிவிப்பு வெளியிடப்பட்டுள்ளதாக கூறப்படுகிறது.
