வவுனியா தாண்டிக்குளத்தில் மோட்டார் சைக்கிள் விபத்துக்குள்ளாகியுள்ளது. இவ்விபத்து பற்றி தெரியவருவதாவது,
வவுனியா தாண்டிக்குளத்தில் இருந்து வந்த மோட்டார் சைக்கிள் முன்னே சென்ற டிப்பர் வாகனத்தை முந்திச்செல்ல முற்பட்ட வேளையில் டிப்பருடன் மோதுண்டு விபத்துக்குள்ளாகியுள்ளது.
இவ்விபத்தின் போது மோட்டார் வாகனத்தில் பயனித்த ம.மதுசன் (வயது 23), நா.லோகேஸ்வரன் (வயது 23) ஆகிய இருவரும் படுகாயமடைந்து வவுனியா பொதுவைத்தியசாலையில் அனுமதிக்கப்பட்டுள்ளனர்.
இவ்விபத்து தொடர்பான மேலதிக விசாரனையினை வவுனியா பொலிஸார் மேற்கொண்டுவருகின்றனர்.
இதேவேளை வவுனியா ஒமந்தையில் நடைபெற்ற மோட்டார் சைக்கிள் விபத்தில் ஒருவர் படுகாயமடைந்து வவுனியா வைத்தியசாலையில் அனுமதிக்கப்பட்டுள்ளார்.
