வவுனியா நகரின் முக்கிய பகுதிகளில் அதிசக்தி மின் வலுக்கொண்ட மின் விளக்குகள் பொருத்தும் நடவடிக்கைகள் இடம்பெற்று வருவதாக நகரசபைச் செயலாளர் ஆர்.தயாபரன் தெரிவித்தார்.
150 வோல்ட் உடைய குறித்த மின் விளக்கு ஒன்றின் விலையானது 17,500 ரூபா ஆகும். இவ்வாறான மின் விளக்குகள் வவுனியா நகரின் முக்கியமான (வைரவப்புளியங்குளம், குருமன்காடு, வவுனியா நகர், வவுனியா பேரூந்து நிலையம் , பஜார் வீதி, ஹொரவப்பொத்தானை வீதி) போன்ற பல பகுதிகளில் 39 மின் விளக்குகள் பொருத்தப்பட்டுள்ளன.
இரவு வேளைகளில் போக்குவரத்தினை இலகுவாக மேற்கொள்வதற்கு இந் நடவடிக்கை ஆரம்பிக்கப்பட்டதாக அவர் மேலும் தெரிவித்தார். இதனால் வவுனியா நகர் இரவு வேளைகளில் மின்னொளி வீசிப்பிரகாசிக்கின்றதைக் காணக்கூடியதாக உள்ளது.
