கறுப்பாக இருப்பதாக மலையாள சினிமாவில் தனக்கு குறைந்த அளவில் சம்பளம் வழங்கப்பட்டதாக நைஜீரிய நடிகர் தெரிவித்துள்ளார்.
கேரளாவில் கடந்த வாரம் வெளியாகி சூப்பர் ஹிட்டான படம் சுடானி ப்ரம் நைஜீரியா. ஆப்பிரிக்காவை சேர்ந்த கால்பந்து வீரர் கேரளாவில் ஒரு கிளப்பில் வந்து விளையாடும்போது ஏற்படும் அனுபவங்கள்தான் கதை.
சக்ரியா முகமது என்கிற அறிமுக இயக்குனர் இயக்கியுள்ள இந்தப் படத்தில் சவுபின் சாகீர் மற்றும் நைஜீரியாவை சேர்ந்த சாமுவேல் அபியோலா ராபின்சன் (Samuel Abiola Robinson) ஆகியோர் ஹீரோக்களாக நடித்துள்ளனர்.
சமீபத்தில், சாமுவேல் ராபின்சன் தனது சொந்த நாடான நைஜீரியாவுக்கு திரும்பினார். அவர் தனது பேஸ்புக் பக்கத்தில் பகிர்ந்துகொண்டதாவது, நான் கறுப்பு இனத்தை சேர்ந்தவன் என்பதால், பிற நடிகர்களுக்கு கொடுக்கும் சம்பளத்தை எனக்கு கொடுக்கவில்லை. குறைவாகத்தான் கொடுத்தார்கள்.
என்னைப்போன்று, அடுத்த தலைமுறையை சேர்ந்த கறுப்பு இனத்தவர் இதுபோன்ற பிரச்சனையால் பாதிக்கப்படக்கூடாது என தெரிவித்துள்ளார்.
