விண்மீன்கள் அமைப்பின் ஏற்பாட்டில் வவுனியாவில் பிரான்ஸ் நாட்டு விசேட வைத்திய குழுவினரின் இலவச சிகிச்சை முகாம் ஒன்று இன்று (12.12) வைரவப்புளியங்குளம் கிராம அபிவிருத்திச் சங்க மண்டபத்தில் நடைபெற்றது.
தமிழ் விருட்சம் அமைப்பினரின் அனுசரணையுடன் நடைபெற்ற இச் சிகிச்சை முகாமானது எலும்பு, நரம்பு மற்றும் தசைநார்கள் சம்பந்தப்பட்ட பிரச்சனைகளுக்கு சிகிச்சை அளிக்கப்பட்டது.
வவுனியா வைரவப்புளியங்குளம் பகுதியை சூழவுள்ள மக்கள் இச் சிகிச்சை முகாமில் சிகிச்சை பெற்றனர்.
முல்லைத்தீவு, கிளிநொச்சி, மன்னார் மற்றும் வவுனியா ஆகிய பிரதேசங்களில் கடந்த ஆறு நாட்களாக நடைபெற்று வந்த இந்த இலவச சிகிச்சையின் மூலம் ஏராளமான பொதுமக்கள் பயனடைந்துள்ளனர்.
இச் சிகிச்சை முகாம் தொடர்பாக கருத்து தெரிவித்த விண்மீன்கள் அமைப்பின் தலைவர் எஸ்.புவிகரன், அதிகளவான மக்கள் இச் சிகிச்சை முகாம் மூலம் பயனடைந்துள்ளதால் எதிர்வரும் காலங்களிலும் இவ்வாறான சிகிச்சை முகாம்கள் மக்களுக்கு இலவசமாக ஏற்பாடு செய்து கொடுக்கப்படும் என தெரிவித்தார்.
