மதுபானசாலைக்கு எதிராக சுவரொட்டிகள்
புதிய ஜனநாயக இளைஞர் முன்னணியினால் வவுனியா நகரின் பல பாகங்களில் வவுனியா புதிய பேருந்து நிலையத்திற்கு முன் இயங்கும் மதுபானசாலைக்கு எதிராக சுவரொட்டிகள் ஒட்டப்பட்டுள்ளது.
நேற்று இரவு புதிய ஜனநாயக இளைஞர் முன்னணியின் இளைஞர்களினால் வவுனியா புதிய பஸ்நிலையத்தில் மதுபானசாலையை உடன் அகற்று, வவுனியா புதிய பஸ் நிலையத்தில் மதுபானசாலை வேண்டாம், வவுனியா புதிய பஸ் நிலையம் மதுபானபிரியர்களின் உல்லாச இடமாகுமா?,
வவுனியா அம்மாச்சி உணவகத்திற்கு முன்பாக மதுபானசாலை அவசியமா? போன்ற வாசகங்கள் எழுதப்பட்ட சுவரொட்டிகள் புதிய பேருந்து நிலையம், குருமன்காடு, வைரவபுளியங்குளம், பழைய பேருந்து நிலையம், தினசரி சந்தை பகுதி, தாண்டிக்குளம் உட்பட வவுனியா நகரின் பல பகுதிகளில் ஒட்டப்பட்டிருந்தமையை காணக்கூடியதாக இருந்தது.
