வரலாற்று சாதனை
வெளியாகியுள்ள கல்விப் பொது சாதாரண தரப் பரீட்சை முடிவுகளின் பெறுபேறுகளின்படி வவுனியா பெரியகோமரசன்குளம் மகாவித்தியாலய மாணவன் மகேந்திரன் ஷரூபன் 9A சித்திகளைப் பெற்று வரலாற்று சாதனையினை புரிந்துள்ளார்.
2018ம் கல்விப் பொது சாதாரண தரப் பரீட்சையில் வவுனியா மாவட்டத்தின் தெற்கு வலயத்திற்குட்பட்ட வவுனியா பெரியகோமரசன் குளம் மகா வித்தியாலயம் தனது வரலாற்றில் முதல் தடவையாக 9A பெறுபேற்றை பெற்று சாதனையினை நிலைநாட்டியுள்ளது.
இப் பாடசாலை மாணவர்களான மகேந்திரன் ஷரூபன் 9A சித்திகளையும், ரமணன் யூட்சன் மற்றும் மோகனசுந்தரம் சயந்தன் ஆகிய இருவரும் 8AB சித்திகளை பெற்று பாடசாலையின் வரலாற்று சாதனையினை புரிந்துள்ளதாகவும் இவர்களின் பெறுபேற்றுக்காக உழைத்த ஆசிரியர் மனதார பாராட்டுவதாக பாடசாலையின் அதிபர் சி.வரதராஜா தெரிவித்தார்.
இப் பாடசாலை வவுனியா நகரிலிருந்து சுமார் 13 கிலோமீற்றர் தொலைவில் அமைந்துள்ள ஒர் கிராமபுற பாடசாலை என்பதோடு 114 வருட வரலாற்றினையும் கொண்டது என்பது குறிப்பிடத்தக்கதாகும்.
