போக்குவரத்து பாதிப்பு
வவுனியா – மன்னார் பிரதான வீதியின் வேப்பங்குளம் பகுதியில் வீதியோரத்தில் இருந்த பாரிய மரமொன்று இன்று அதிகாலை 4 மணியளவில் முறிந்து விழுந்துள்ளது.
இதன்காரணமாக குறித்த வீதியூடான போக்குவரத்து சுமார் மூன்று மணித்தியாலங்கள் வரையில் பாதிப்படைந்திருந்ததாக எமது செய்தியாளர் தெரிவித்தார்.
இதனையடுத்து பொலிஸார் மற்றும் பொதுமக்கள் பாதையில் விழுந்திருந்த மரத்தினை வெட்டி அகற்றி போக்குவரத்தை சீர் செய்துள்ளனர்.
அத்துடன் தற்போது நிலவிவரும் சீரற்ற காலநிலையால் பல்வேறு இடங்களில் வீதியோர மரங்கள் சரிந்து விழக்கூடிய அபாயம் இருப்பதால் பயணிகள் அவதானத்துடன் பயணத்தை மேற்கொள்ள வேண்டும் என பொலிஸார் கோரியுள்ளனர்.
