வவுனியா மாவட்ட இளைஞர் நாடாளுமன்ற உறுப்பினர்களாக நால்வர் தெரிவு!!

நாடு பூராகவும் நடைபெற்ற இளைஞர் நாடாளுமன்ற தேர்தலின் வவுனியா மாவட்ட முடிவுகள் வெளியாகியுள்ளன.

இதில் க.கோகுலன், அ.கொன்சீசியஸ், ப.ராமேஸ்வரன்,எச்.பிரியதர்சன் ஆகியோர் வெற்றி பெற்றுள்ளனர்.

நேற்று முன்தினம் நாடு பூராகவும் இளைஞர் நாடாளுமன்ற தேர்தல்கள் நடைபெற்றன. அந்த வகையில் வவுனியா மாவட்டத்தின் வவுனியா, வவுனியா வடக்கு, வெண்கல செட்டிகுளம், வவுனியா தெற்கு ஆகிய பிரதேச செயலக பிரிவுகளில் இருந்து ஒவ்வொரு இளைஞர் நாடாளுமன்ற உறுப்பினர்களை தெரிவு செய்வதற்கான தேர்தலில் 11 பேர் போட்டியிட்டிருந்தனர்.

இதில் வவுனியா பிரதேச தேர்தல் தொகுதிதியில் க.கோகுலன் – 359, க.சிம்சுபன் – 139, ஜ.மின்ஹாஜ் – 43, கு.பவேந்திரன் – 15 ஆகியோரும்,

வெண்கல செட்டிகுளம் தேர்தல் தொகுதியில் அ.கொன்சீசியஸ் – 282, கா.கிரிதரன் – 259, மொ.ரிப்நாஸ் – 215 ஆகியோரும், வவுனியா வடக்கு தேர்தல் தொகுதி ப.ராமேஸ்வரன் – 253, யொ.மிதுர்சன் – 128 ஆகியோரும்,

வவுனியா தெற்கு தேர்தல் தொகுதியில் எச்.பிரியதர்சன் – 133, எஸ்.செனவிரத்ன – 122 ஆகியோரும் போட்டியிட்டு இருந்தமை குறிப்பிடத்தக்கது.