வெலிங்டன் டெஸ்டில் அணித்தலைவர் பிரண்டன் மெக்கலம் இரட்டை சதம் கடந்து கைகொடுக்க, நியூசிலாந்து அணி முன்னிலை பெற்றது.
நியூசிலாந்து சென்றுள்ள இந்திய அணி 2 போட்டிகள் கொண்ட டெஸ்ட் தொடரில் பங்கேற்கிறது. முதல் போட்டியில் இந்தியா தோல்வி அடைந்தது. இரண்டாவது டெஸ்ட், வெலிங்டனில் நடக்கிறது. முதல் இன்னிங்சில் நியூசிலாந்து 192 ஓட்டங்கள், இந்தியா 438 ஓட்டங்களை எடுத்தன. மூன்றாவது நாள் ஆட்டநேர முடிவில், நியூசிலாந்து அணி இரண்டாவது இன்னிங்சில் 5 விக்கெட்டுக்கு 252 ஓட்டங்களை எடுத்து, ஆறு ஓட்டங்களால் முன்னிலை பெற்றது.
நான்காவது நாளான இன்றைய ஆட்டத்தில் இரண்டாவது இன்னிங்சை தொடர்ந்த மெக்கலம், வாட்லிங் ஜோடி பொறுப்பான ஆட்டத்தை வெளிப்படுத்தியது.
மெக்கலம் டெஸ்ட் அரங்கில் தனது மூன்றாவது இரட்டை சதத்தை பதிவு செய்தார். இதன்மூலம் அதிக இரட்டை சதம் அடித்த நியூசிலாந்து வீரர்கள் பட்டியலில் முன்னாள் அணித்தலைவரர் ஸ்டீபன் பிளமிங் (3 ) முதலிடத்தை பகிர்ந்து கொண்டார். தவிர, அடுத்ததடுத்த போட்டிகளில் இரட்டைசதம் அடித்த முதல் நியூசிலாந்து வீரர் என்ற புதிய சாதனையை படைத்தார்.
இந்த ஜோடியை பிரிக்க இந்திய அணித் தலைவர் டோனி எடுத்த எந்த முயற்சியும் கைகொடுக்கவில்லை. 6வது விக்கெட்டுக்கு மெக்கலம், வாட்லிங் ஜோடி 346 ஓட்டங்களை சேர்த்து அசத்த, நான்காவது நாள் முடிவின் போது நியூசிலாந்து அணி இரண்டாவது இன்னிங்சில் 6 விக்கெட்டுக்கு 571 ரன்கள் எடுத்து 325 ஓட்டங்கள் முன்னிலையில் உள்ளது.
