தமிழ் சினிமாவில் வளர்ந்து வரும் நடிகர் விமல். சமீபத்தில் மைந்தன் பட இசை வெளியீட்டு விழா நடந்தது, இதில் மூத்த இயக்குனர் எஸ்.பி.முத்துராமன் இசைத்தட்டை வெளியிட்டார்.
இயக்குநர் சமுத்திரக்கனி, நடிகர்கள் விமல், ஸ்ரீகாந்த், நட்ராஜ் ஆகியோர் பெற்றுக் கொண்டனர்.இதில் பேசிய இயக்குனர் முத்துராமன் இங்கே விமல் வந்திருக்கிறார். அவருக்கு கல்யாணம் செய்து வைத்தது நான்தான். அவர் பிரியதர்ஷினி என்கிற பெண்ணைக் காதலித்தார் இரண்டு பேர் வீட்டுக்கும் இது தெரியாது. ஆனால் பதிவுத் திருமணம் ரகசியமாக செய்துகொண்டனர்.
நான் சவீதா கல்லூரிக்கு ஒரு நிகழ்ச்சிக்குப் போன போது அங்கு மாணவிகள் கிசுகிசுத்தார்கள். இது பற்றிப் பேசிய போது வெளியே தெரியக் கூடாது என்றார்கள். அப்படியா விஷயம் என்று இரண்டு பேரையும் பிடித்துக் கொண்டு வாருங்கள் என்றேன்.
அதே மேடையில் எல்லோர் மத்தியிலும் விமலுக்கு திருமணம் நடத்தி வைத்தேன். அப்படி திருட்டுக் கல்யாணம் செய்த விமலுக்கு நான்தான் பகிரங்கமாக திருமணம் நடத்தி வைத்தேன். இப்படி திருட்டு கல்யாண ஜோடி யாராவது இருந்தால் சொல்லுங்கள் நான் பகிரங்கமாக திருமணம் நடத்தி வைக்கத்தயார். என்று சொல்லி முடிக்க அரங்கமே கைத்தட்டலில் அதிர்ந்தது.
