தங்கத்தின் விலையில் சரமாரியான மாற்றங்கள் : தளம்பல் நிலையிலேயே தொடரும் பெறுமதி!!

சர்வதேச சந்தையில் தங்கத்தின் விலை இன்று (26) வீழ்ச்சியைச் சந்தித்துள்ளது. உலக சந்தையில் ஒரு அவுன்ஸ் தங்கத்தின் விலை இன்று 125.39 அமெரிக்க டொலர்களால் (2.75%) சரிவடைந்துள்ளது.

இதன்மூலம் ஒரு அவுன்ஸ் தங்கத்தின் தற்போதைய விலை 4,428.17 அமெரிக்க டொலர்களாகப் பதிவாகியுள்ளது. கடந்த ஒரு மாத காலப்பகுதியில் மட்டும் தங்கம் அவுன்ஸ் ஒன்றுக்கு 653.55 அமெரிக்க டொலர்களால் (12.55%) வீழ்ச்சியடைந்துள்ளது.

தற்போதைய இந்த திடீர் சரிவு தற்காலிகமான ஒன்றாகக் கருதப்பட்டாலும், கடந்த ஒரு ஆண்டு காலப்பகுதியுடன் ஒப்பிடுகையில் தங்கத்தின் விலை இன்னும் 49.30 சதவீத உயர்விலேயே காணப்படுகின்றமை குறிப்பிடத்தக்கது.

இரண்டாம் இணைப்பு :  இலங்கையில் தங்கத்தின் விலையானது இன்று (26) குறைவடைந்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது.

அதன்படி இலங்கையில் இன்று காலை 24 கரட் தங்கம் ஒரு பவுண் 393,000 ரூபாயாக விற்பனை செய்யப்பட்ட நிலையில் தற்போது 5000 ரூபாயால் குறைக்கப்பட்டு 388,000 ரூபாயாக விற்பனை செய்யப்படுகிறது.

இன்று காலை 22 கரட் தங்கம் பவுண் ஒன்று 361,500 ரூபாயாகவும் விற்பனை செய்யப்பட்ட நிலையில் தற்போது 4500 ரூபாயால் குறைக்கப்பட்டு 357,000 ரூபாயாக விற்பனை செய்யப்படுகிறது.

முதலாம் இணைப்பு : கொழும்பு செட்டியார்தெரு தகவல்களின் படி இன்றைய தினம் (26.03.2026) 24 கரட் தங்கப் பவுணொன்றின் விலை 393000 ரூபாவாக பதிவாகியுள்ளது.

அத்துடன் 22 கரட் தங்கப் பவுணொன்றின் விலை 361500 ரூபாவாகவும் பதிவு செய்யப்பட்டுள்ளமை குறிப்பிடத்தக்கது. உலக சந்தையில் ஒரு அவுண்ஸ் தங்கத்தின் விலை 4400 முதல் 4500 டொலர்களாக பதிவாகியுள்ளது.

சமீபத்திய வர்த்தகத்தில் அதிக ஏற்ற இறக்கங்கள் காணப்பட்டாலும், தினசரி அதிகபட்சமாக $ 4,544 வரையிலும், குறைந்தபட்சமாக $ 4,415 வரையிலும் விலை சரிந்துள்ளது.

எனினும் அண்மையில் தங்கத்தின் விலையானது ஐயாயிரம் டொலர்களை கடந்திருந்தமை குறிப்பிடத்தக்கது.