புதிய இணைப்பு : அநுராதபுரம் – மதவாச்சி வீதியில் ரம்பேவ பகுதியில் மூன்று பேருந்துகள் நேருக்கு நேர் மோதிக்கொண்டதில் ஆறு பேர் உயிரிழந்துள்ளதாகவும், 50க்கும் மேற்பட்டோர் காயமடைந்துள்ளதாகவும் பொலிஸார் தெரிவித்துள்ளனர்.
இந்த விபத்து நடந்த நேரத்தில் மூன்று பேருந்துகளிலும் 100க்கும் மேற்பட்ட பயணிகள் பயணம் செய்ததாகவும் தெரிவிக்கப்படுகின்றது. இந்த விபத்தில் உயிரிழந்தவர்களில் இரண்டு பேருந்துகளின் சாரதிகளும் அடங்குவதாக உறுதிப்படுத்தப்படாத தகவல்கள் தெரிவிக்கின்றன.
அநுராதபுரம் நோக்கிச்சென்ற ஒரு பேருந்தும், அநுராதபுரத்திலிருந்து வவுனியா நோக்கிச்சென்ற இலங்கை போக்குவரத்து சபைக்கு சொந்தமான (SLTB)இரு பேருந்துகளும் நேருக்கு நேர் மோதிக்கொண்டதில் விபத்து நிகழ்ந்துள்ளது.
அநுராதபுரம் நோக்கிச்சென்ற இலங்கை போக்குவரத்து சபைக்கு சொந்தமான பேருந்து, ஒரு தனியார் பேருந்தை முந்திச்செல்ல முயன்றபோது, எதிர்திசையில் வந்த மற்றொரு இலங்கை போக்குவரத்து சபைக்கு சொந்தமான பேருந்துடன் மோதியுள்ளதாக முதற்கட்ட விசாரணையில் தெரியவந்துள்ளது.
மூன்றாம் இணைப்பு
அநுராதபுரம் – மதவாச்சி வீதியில் ரம்பேவ பகுதியில் இடம்பெற்ற விபத்தில் உயிரிழந்தவர்களின் எண்ணிக்கை 5 ஆக உயர்வடைந்துள்ளதாக பொலிஸார் தெரிவித்துள்ளனர்.
இந்த விபத்தில் 50க்கும் மேற்பட்டோர் காயமடைந்த நிலையில், சிகிச்சைக்காக ரம்பேவ பிரதேச வைத்தியசாலை மற்றும் அனுராதபுரம் போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர்.
இரண்டாம் இணைப்பு
அநுராதபுரம் – மதவாச்சி வீதியில் ரம்பேவ பகுதியில் இன்று காலை (10) இடம்பெற்ற கோர விபத்தில் 2 பேர் உயிரிழந்ததுடன் 50க்கும் மேற்பட்டோர் காயமடைந்துள்ளதாக பொலிஸார் தெரிவித்துள்ளனர். விபத்தில் காயமடைந்தவர்கள் தற்போது சிகிச்சைக்காக அனுராதபுரம் வைத்தியசாலைக்கு கொண்டு செல்லப்படுவதாக வைத்தியசாலை வட்டாரங்கள் தெரிவித்துள்ளன.
முதலாம் இணைப்பு : அநுராதபுரம் – மதவாச்சி வீதியில் ரம்பேவ பகுதியில் மூன்று பேருந்துகள் நேருக்கு நேர் மோதி விபத்திற்குள்ளானதில் பலர் காயமடைந்துள்ளனர். இலங்கை போக்குவரத்து சபைக்குச் சொந்தமான இரண்டு பேருந்துகளும் ஒரு தனியார் பேருந்தும் மோதிக்கொண்டதில் இந்த விபத்து இடம்பெற்றுள்ளதாக பொலிஸ் தெரிவித்துள்ளது.
இந்த விபத்தில் 50 இற்கும் மேற்பட்டோர் காயமடைந்துள்ளதாகவும் தெரிவிக்கப்படுகின்றது. விபத்தில் காயமடைந்தவர்கள் தற்போது சிகிச்சைக்காக அனுராதபுரம் வைத்தியசாலைக்கு கொண்டு செல்லப்படுவதாக வைத்தியசாலைவட்டாரங்கள் தெரிவித்துள்ளன. இந்த விபத்து தொடர்பில் பொலிஸார் விசாரணைகளை ஆரம்பித்துள்ளனர்.
