வவுனியா வைரவபுளியங்குளம் கதிரேசு வீதியில் மோட்டர் சைக்கிள் ஒன்றும் முச்சக்கர வண்டி ஒன்றும் மோதியதில் இருவர் காயமடைந்துள்ளனர். இந்த விபத்து இன்று (24.11) திங்கட்கிழமை இடம்பெற்றுள்ளது. இது தொடர்பில் மேலும் தெரியவருவதாவது..
வவுனியா, வைரவபுளியங்குளம் கதிரேசு வீதி வழியாக வந்த முச்சகரவண்டியும் வைரவர் கோவில் வீதியில் இருந்து கதிரேசு வீதி நோக்கி வந்த மோட்டர் சைக்கிளும் சந்தியை கடக்க முற்பட்ட வேளை மோதி விபத்துக்குள்ளாகின.
வேகமாக வந்த முச்சக்கரவண்டி மோட்டார் சைக்கிளை மேதி பின்னர் வீதியோரமாக இருந்த வீட்டு மதிலுடன் மோதி தடம்புரண்டது. இதன் காரணமாக ஓட்டோ சாரதி மற்றும் மோட்டர் சைக்கிள் சாரதி ஆகிய இருவரும் காயமடைந்து வைத்தியசாலையில் சேர்க்கப்பட்டனர்.
