வவுனியா நகர மத்தியில் மணிக்கூட்டுக் கோபுரத்துக்கு அருகாமையில் அமைந்திருக்கும் வவுனியா தெற்கு பலநோக்கு கூட்டுறவு சங்கத்துக்கு சொந்தமான எரிபொருள் நிரப்பு நிலையத்தில் இன்று பிற்பகல் மூன்று மணியளவில் தீ விபத்து சம்பவம் இடம்பெற்றது.
மேற்படி சம்பவத்தில் மோட்டர் சைக்கில் ஒன்று முற்றாக எரிந்து சாம்பலானது. மேற்படி சம்பவம் குறித்த மோட்டார் சைக்கில் இயங்கு நிலையில் (engine starting condition) இருந்தவாறே எரிபொருளை நிரப்ப முயற்சித்த வேளையில் இடம்பெற்றுள்ளது.
மேற்படி சம்பவம் தொடர்பாக வவுனியா போலீசார் விசாரணைகளை மேற்கொண்டு வருகின்றனர்.
-கஜேந்திரன்-
