தென் ஆபிரிக்காவுக்கு எதிரான பயிற்சிப் போட்டியில் இலங்கை அணி தோல்வியடைந்தாலும் வீரர்கள் சிறப்பாக செயல்பட்டதாக இலங்கை அணித்தலைவர் மத்யூஸ் கூறியுள்ளார்.
நேற்று நடைபெற்ற உலகக்கிண்ணப் பயிற்சிப் போட்டியில் இலங்கை அணி சிறப்பான ஆட்டத்தை வெளிப்படுத்தியது. அனுபவ வீரரான டில்ஷான் சதம் விளாசினார். இருப்பினும் இலங்கை அணி துரதிஷ்டவசமாகத் தோல்வியைத் தழுவியது.
இது குறித்து டிவிட்டர் சமூக வலைத்தளத்தில் இலங்கை அணித்தலைவர் மத்யூஸ் கூறுகையில், இலங்கை அணி தோல்வியை தழுவினாலும் வீரர்கள் சிறப்பாக செயல்பட்டதாகவும், அடுத்த போட்டிகளில் இளம் வீரர்கள் மேலும் பிரகாசிப்பதற்கு முயற்சிகளை மேற்கொள்ள வேண்டுமெனவும் குறிப்பிட்டுள்ளார்.
