மேற்கிந்திய தீவுகளுக்கு எதிரான உலகக்கிண்ண கடைசி காலிறுதிப் போட்டியில் அதிரடியாக விளையாடிய நியூசிலாந்து 6 விக்கெட் இழப்பிற்கு 393 ஓட்டங்களை குவித்துள்ளது.
உலகக்கிண்ண கிரிக்கெட் சுற்றுத்தொடரின் நான்காவதும் இறுதியுமான காலிறுதிப்போட்டியில் நியூசிலாந்து மற்றும் மேற்கிந்திய தீவுகள் அணி மோதுகின்றன.
இந்தப் போட்டி நியூசிலாந்தின் வெலிங்டனில் போட்டி நடைபெற்று வருகிறது. நாணய சுழற்சியில் வெற்றி பெற்ற நியூசிலாந்து அணி முதலில் துடுப்பெடுத்தாடியது.
ஆரம்ப துடுப்பாட்ட வீரர்களாக மெக்குல்லம் மற்றும் குப்டில் ஆகியோர் களமிறங்கினர்.
சிறப்பான ஆட்டத்தை வெளிப்படுத்திய குப்டில், உலகக்கிண்ணத் தொடரில் தொடர்ந்து இரண்டாவது முறையாக சதம் அடித்தார்.
தொடர்ந்து அசத்திய குப்டில், தனது 152வது பந்தில் இரட்டை சதம் அடித்து அசத்தினார். இது உலகக்கிண்ணத் தொடரில் அடிக்கப்பட்ட இரண்டாவது இரட்டை சதம்.
இதற்கு முன் மேற்கிந்திய தீவுகளின் கெய்ல் (215), சிம்பாவே அணிக்கு எதிரான லீக் போட்டியில் இந்த சாதனை படைத்தார். தவிர, ஒருநாள் அரங்கில் அடிக்கப்பட்ட 6வது இரட்டை சதம்.
இதனால் நியூசிலாந்து அணி 50 ஓவரில், 6 விக்கெட்டுக்கு 349 ஓட்டங்கள் எடுத்தது. குப்டில் (237), விட்டோரி (8) ஆட்டமிழக்காமல் களத்தில் இருந்தனர்.
