வடமாகாண சபையின் முல்லைத்தீவு மாவட்ட உறுப்பினர் மேரி கமலா குணசீலனுக்கு பதிலாக புதிய உறுப்பினராக எம்.பி.நட்ராஜ் நியமிக்கப்பட்டுள்ளார்.
வடமாகாண சபையின் மாதாந்த அமர்வு கைதடியில் அமைந்துள்ள வடமாகாண சபையில் இன்று (07.04) நடைபெற்ற போதே புதிய உறுப்பினர் சபைக்கு வருகை தந்தார்.
சுழற்சி முறையில் வடமாகாண சபை உறுப்பினர் பதவியை வகிப்பதாக வடமாகாண சபை உறுப்பினர்கள் பதவியேற்ற போது, மேரி கமலா குணசீலன் உறுதிமொழி வழங்கியிருந்தார்.
அதன் அடிப்படையில் ஒரு வருடம் நிறைவடைந்ததையடுத்து அவருடைய உறுப்பினர் பதவியை இராஜினாமா செய்தார். அவரது இடத்துக்கு முன்னாள் வவுனியா கோட்டக் கல்விப் பணிப்பாளர் எம்.பி.நட்ராஜ் நியமிக்கப்பட்டுள்ளார்.
