சச்சின் டெண்டுல்கரின் டெஸ்ட் சாதனையை எஞ்சலோ மத்தியூஸ் முறியடிப்பார் என்று இலங்கை அணியின் முன்னாள் முகாமையாளர் டி ஸொய்சா கூறியுள்ளார்.
46 டெஸ்ட் போட்டிகளில் இதுவரை விளையாடியுள்ள மத்தியூஸ் 3,193 ஓட்டங்களை 51.50 என்ற சராசரியின் கீழ் எடுத்துள்ளார். இதில் 4 சதங்கள், 20 அரைசதங்கள் அடங்கும்.
156 ஒருநாள் போட்டிகளில் 3,783 ஓட்டங்களை 1 சதம் மற்றும் 26 அரைசதங்களுடன் எடுத்துள்ளார். இதுகுறித்து டி ஸொய்சா கூறியதாவது,
“பங்களாதேஷிற்கு எதிரான தொடர் முதல் 2015 உலகக் கிண்ணப் போட்டிகள் வரை, எஞ்சலோ மத்தியூஸின் வளர்ச்சி பிரமாதமானது. அவர் என்ன இடத்தை நிரப்ப வேண்டுமோ அதனை நிரப்பியுள்ளார். மஹேல, சங்கக்கார ஆகியோர் அணியில் இல்லாத போது அவர் தானே தலைமைத்தாங்க வேண்டும், அப்போது அவரது திறமையை நாம் உண்மையில் பார்க்க முடியும்.” என்றார்.
எஞ்சலோ மத்தியூஸ் தற்போது செல்லும் பாணியில் சென்றால் சச்சின் டெண்டுல்கரின் டெஸ்ட் சதங்கள் சாதனையை முறியடிக்க முடியும். அவர் தற்போது வைத்திருக்கும் சராசரியை நீடித்து நிலைக்கச் செய்ய முடியும். இலங்கை கிரிக்கெட்டுக்கு இவர் இன்னும் நிறைய பங் களிப்புகளைச் செய்ய முடியும்” என்றார்.
