நடிகர் பாபி சிம்ஹா, நடிகை ரேஷ்மி மேனன் ஆகியோரின் திருமணம் இன்று திருப்பதி கோவிலில் நடைபெற்றுள்ளது.
பாபி சிம்ஹா நடிப்பில் சக்திவேல் பெருமாள்சாமி இயக்கிய படம் உறுமீன். இந்தப் படத்தில் நடித்த பாபி சிம்ஹா, ரேஷ்மி மேனன் ஆகிய இருவரும் விரைவில் காதலர்கள் ஆனார்கள். பிறகு இவர்களுடைய திருமண நிச்சயதார்த்தம் சென்னையில் கடந்த நவம்பர் மாதம் 8 ஆம் திகதி நடைபெற்றது.
இந்நிலையில், இருவருக்கும் திருப்பதியில் இன்று திருமணம் நடைபெற்றது. இதில் நெருங்கிய உறவினர்களும் நண்பர்களும் மட்டும் கலந்துகொண்டார்கள்.
ஏப்ரல் 24 ஆம் திகதி சென்னையில் திருமண வரவேற்பு நிகழ்ச்சி நடைபெறவுள்ளது.
