வவுனியா ப்ரண்ட்ஸ் விளையாட்டுக் கழகம் நடாத்தும் மாபெரும் கிரிக்கட் சுற்றுப்போட்டியானது நகரசபை மைதானத்தில் இன்று (25.06.2016) காலை 10 மணியளவில் நடைபெற்றது.
இச் சுற்றுப்போட்டிக்கு பிரதம விருந்தினராக கே.காதர் மஸ்தான் (பா.உ மற்றும் அபிவிருத்திக்குழு இணைத்தலைவர் -வன்னி மாவட்டம்) கலந்து சிறப்பித்ததுடன் தனது உரையில் விளையாட்டுப்போட்டி என்பது உடல் உள ஆரோக்கியத்தை வளப்படுத்துகின்றது.
அத்துடன் குரோதங்களை மறந்துவாழ வழியமைக்கின்றது எனவும், முஸ்லிம்களின் நோன்பு காலம் என்பதால் தாங்கள் பின்பற்றும் சமயங்களை மதித்து நடப்பதன் மூலமும் பிற சமயங்களைக் கௌரவப்படுத்தும் வகையிலும் நடந்துகொள்வது இன்றியமையாதது எனக் குறிப்பிட்டதுடன் இரு அணியினருக்கும் தனது வாழ்த்துக்களையும் தெரிவித்தார்.
