அவுஸ்திரேலியாவில் கழுகு ஒன்று சிறுவனைத் தூக்கிச் செல்ல முயன்ற சம்பவத்தால் பரபரப்பு ஏற்பட்டுள்ளது.
அவுஸ்திரேலியாவில் ஆலிஸ் ஸ்பரிங் பாலைவனப் பூங்காவில் கடந்த வாரம் வன விலங்குகள் கண்காட்சி நடைபெற்றது. இதனை அங்கு கூடியிருந்த ஏராளமானோர் கண்டு மகிழ்ந்து கொண்டிருந்தனர்.
இந்நிலையில், அங்கு யாரும் எதிர்பாராத சம்பவம் ஒன்று நிகழ்ந்திருக்கிறது.
உயரத்தில் பறந்துகொண்டிருந்த கழுகு ஒன்று அசுர வேகத்தில் திடீரென வந்து தனது பெற்றோருடன் கண்காட்சியைக் கண்டுகளித்துக் கொண்டிருந்த சிறுவனை தூக்கிச்செல்ல முயன்றிருக்கிறது.
ஆனால், அந்த கழுகால் சிறுவனைத் தூக்க முடியவில்லை. இருப்பினும், இந்த சம்பவத்தால் மிரண்டுபோன சிறுவன், இரத்த காயங்களுடன் கதறி அழுது துடித்திருக்கிறான்.
உடனே அங்கிருந்த பொதுமக்கள், கழுகிடம் இருந்து சிறுவனை மீட்டு மருத்துவமனைக்கு அழைத்துச் சென்றுள்ளனர்.
காணொளியில் காண்க…
