ஆரம்பம் படத்திற்கு பிறகு அஜீத் நடித்து வரும் படம் வீரம். இப்படத்தை சிறுத்தை சிவா இயக்குகிறார். தமன்னா கதாநாயகியாக நடிக்கிறார். இப்படத்தின் போஸ்டர்கள் சமீபத்தில் வெளியாயின. அதில் அஜீத் வேஷ்டியுடன் அமர்ந்து டீ குடிப்பது போன்ற படங்கள் வெளியிடப்பட்டிருந்தன.
தற்போது நாகரீகமான உடையிலேயே நடித்து வரும் அஜீத், இந்த படத்தில் முதன்முறையாக கிராமத்து பின்னணியில் தோன்றுகிறாராம். இப்படத்திற்கு தேவிஸ்ரீபிரசாத் இசையமைக்கிறார். இவருடைய இசையில் அமைந்துள்ள பாடல்கள் அனைத்தும் ஆட்டம் போட வைக்கும் என படக்குழுவினர் தெரிவிக்கின்றனர்.
இப்படத்தில் ஒரு பாடலுக்கு அஜீத் வேஷ்டியுடன் ஆட்டம் போடுகிறாராம். இந்த பாடலும், நடனமும் ரசிகர்களிடையே பெருத்த ஆதரவை பெறும் என எதிர்பார்க்கப்படுகிறது.
அஜீத், ஏற்கெனவே அட்டகாசம் படத்தில் வேஷ்டியுடன் நடனமாடியிருந்தார். அந்த பாடல் ரசிகர்களிடையே பெரும் வரவேற்பை பெற்றது. அந்த வரிசையில் இந்த பாடலும் ரசிகர்களை வெகுவாக கவரும் என கூறப்படுகிறது.