சற்குணம் இயக்கத்தில் தனுஷ் நடித்துக் கொண்டிருக்கும் படம் நய்யாண்டி. இப்படத்தில் தனுசுக்கு ஜோடியாக நஸ்ரியா நசீம் நடிக்கிறார். மேலும், பரோட்டா சூரி, சத்யன் மற்றும் லட்சுமி ராமகிருஷ்ணன் ஆகியோர் நடிக்கின்றனர். ஜிப்ரான் இசையமைக்கிறார். இவர் ஏற்கெனவே வாகை சூடவா படத்தி இயக்குனர் சற்குணத்துடன் இணைந்து பணிபுரிந்துள்ளார்.
நய்யாண்டி படத்திற்காக ஜிப்ரான் 5 பாடல்கள் மற்றும் ஒரு சிறிய பாடலையும் பதிவு செய்துவிட்டாராம். இப்பாடல்களை வரும் செப்டம்பரில் வெளியிட முடிவு செய்திருக்கிறார்களாம். சொனி நிறுவனத்திற்கு இந்த பாடல்கள் உரிமையையும் வழங்கப் போவதாக கூறப்படுகிறது.
இதுகுறித்து ஜிப்ரான் கூறும்போது, இப்படத்தின் பாடல்கள் முழு கமர்ஷியல் ஆல்பமாக இருக்கும். இதில் இசையின் பல நுட்பங்களை கையாண்டுள்ளேன் என கூறினார்.
தனுஷ் நடிப்பில் சமீபத்தில் வெளியான மயக்கம் என்ன, 3, மரியான் ஆகிய படங்களின் பாடல்கள் பெரும் பாராட்டை பெற்றனர். அந்த வரிசையில் இந்த படத்தின் பாடல்களுக்கும் எதிர்பார்ப்பு அதிகமாகியுள்ளது.
