பிரபல நடிகை ஒருவரின் தொலைபேசி அழைப்புக்களை இரகசியமாக ஒட்டுக் கேட்ட வர்த்தகர் ஒருவருக்கு பொலிஸார் எச்சரிக்கை விடுத்துள்ளார்.
பிரபல சிங்கள நடிகை மேனகா மதுவந்தி என்ற இளம் நடிகையின் தொலைபேசி அழைப்புக்கள் ஒட்டுக் கேட்டதாகவும் குறுஞ்செய்திகளை பார்வையிட்டதாகவும் வர்த்தகர் ஒருவர் மீது குற்றம் சுமத்தப்பட்டுள்ளது. 26 வயதான வர்த்தகர் ஒருவரே இவ்வாறு தொலைபேசி உரையாடல்களை ஒட்டுக்கேட்டுள்ளார்.
மூன்று மாதங்களுக்கு முன்னதாக மேனகாவுடன் நட்பை ஏற்படுத்திக் கொண்ட குறித்த இளைஞரிடம், செல்லிடப் பேசியில் இணைய வசதியை ஏற்படுத்திக் கொடுக்குமாறு கோரியுள்ளார்.
இதன் போது குறித்த இளைஞர் மேனகாவிற்கு வரும் அழைப்புக்கள் மற்றும் குறுஞ்செய்திகளை தமது செல்லிடப் பேசி ஊடாக கேட்கவும் பார்வையிடவும் கூடிய வகையில் மென்பொருள் ஒன்றை செயற்படுத்தியுள்ளார்.
மேனகாவின் இணைய முகவரிற்குள் பிரவேசித்து புகைப்படங்களை வேறும் நபர்களுக்கு அனுப்பி வைத்துள்ளதாகத் தெரிவிக்கப்படுகிறது.
இதனால் தாம் நெருக்கடியை எதிர்நோக்கியதாகவும் இவ்வாறான செயற்பாடுகளை மீளவும் செய்ய வேண்டாம் என எச்சரிக்கை விடுக்குமாறும் மேனகா பொலிஸாரிடம் கோரியுள்ளார்.
இதன் அடிப்படையில் கொஹூவல பொலிஸார், குறித்த வர்த்தகரை அழைத்து அண்மையில் கடும் எச்சரிக்கை விடுத்துள்ளனர்.
