விஷால், அஞ்சலி, வரலட்சுமி நடிக்கும் மத கஜ ராஜா படம் அடுத்த மாதம் ரிலீசாக உள்ளது. இப்படம் குறித்து விஷால் இன்று நிருபர்களுக்கு பேட்டி அளித்தார். அப்போது அவர் கூறியதாவது:-
மத கஜ ராஜா படம் சிறப்பாக வந்துள்ளது. ரஜினியின் ராஜாதி ராஜா, கமலின் சகலகலா வல்லவன் படங்கள் மாதிரி நல்ல படமாக இருக்கும். ஹீரோயிசம் உள்ள படம். நான் சினிமாவுக்கு வந்து பத்து வருடங்கள் ஆகிறது. இந்த படம் மேல் நிறைய நம்பிக்கை வைத்துள்ளேன். இது என்னை நல்ல இடத்துக்கு கொண்டு போகும் என்று நம்புகிறேன். எனது சொந்த கம்பெனி இப்படத்தை ரிலீஸ் செய்கிறது. என்று அவர் கூறினார்.
மேலும், சிக்ஸ் பேக்ஆல் கிட்னி பாதிப்பு ஏற்படுமா என்று நிருபர்கள் கேட்ட கேள்விக்கு அவர் கூறியதாவது..
சிக்ஸ் பேக் உடற்பயிற்சியை தொடர்ச்சியாக செய்யக்கூடாது. ஒருமுறை சிக்ஸ் பேக் வருதற்காக உடற்பயிற்சி செய்துவிட்டு மீண்டும் நம் இயல்பான உடல்நிலைக்கு மாறிட வேண்டும். அப்படி மாறாமல் தொடர்ச்சியாக உடற்பயிற்சி செய்தால் பிரச்சனைதான்.
சிக்ஸ் பேக் உடற்பயிற்சியின்போது உடலில் தண்ணியோட அளவு குறைவாக இருக்கணும். ஒரு படத்துக்கு 5 நாட்கள் ஷூட்டிங் எடுத்தாங்கன்னா அந்த 5 நாட்கள் மட்டும்தான் சிக்ஸ் பேக் உடம்போடு இருக்கனும். ஆனா அதையே தொடர்ச்சியாக பண்ணக்கூடாது. நான் இந்தப்படத்தோட க்ளைமாக்ஸ் முடிஞ்ச உடனே வழக்கமான உடல்நிலைக்கு மாறிவிட்டேன்.
அதையே நாம் கண்டினியூவ் பண்ணினா உடல்ரீதியாக பிரச்சனை ஏற்படும். அதுமட்டுமில்லாம அந்த பாதிப்புகள் முகத்துல கூட தெரியும். சிக்ஸ் பேக் என்பது விலை உயர்ந்த பென்ஸ் கார் மாதிரி. கொஞ்சம் காஸ்ட்லியான விஷயம்தான். அதனால் அதை கொஞ்சம் பார்த்துதான் ட்ரை பண்ணனும் என்று விஷால் கூறினார். இந்த விழாவில் வரலட்சுமி, சுந்தர் சி. மனோபாலா கலந்து கொண்டனர்.
