வவுனியா மாவட்ட மாணவர்களின் கல்வியில் , அவர்களின் கல்வி முன்னேற்றத்தில் பங்கெடுக்கும் நோக்குடன், வவுனியா தமிழ் மத்திய மகா வித்தியாலய கொழும்பு பழைய மாணவர் சங்கம், க.பொ.த உயர தர பரீட்சையில் இந்த வருடம்(2013) தோற்றிய மாணவர்களிற்கு ஏற்ப்பாடு செய்துள்ளது. இந்த கருத்தரங்கில் இலங்கயின் முன்னணி கல்வி நிறுவனங்கள் பங்கு பற்றுகின்றன.
உயர்தரம் முடித்த மாணவர்கள் அடுத்த கட்டம் நோக்கி பயணிப்பது தொடர்பில் சிக்கல்களை எதிர் கொள்கின்றனர். இலங்கையில் உயர் கல்வி நோக்கிச் செல்ல பல வழிகள் இருந்தும் மாணவர்களிற்கு அது சரியாக சென்றடைவதில்லை. கொழும்பில் உள்ள மாணவர்கள் ஓரளவு இந்த அறிவை கொண்டு இருக்கின்றார்கள்.
வவுனியா போன்ற இடங்களில் உள்ள மாணவர்களிற்கு ஆசை இருக்கின்ற போதும் இது கஷ்டம், மிகப் பெரிய செலவு என பல விடயங்களை கற்பனை செய்து இவ்வாறன கல்வி நடவடிக்ககைகளில் ஈடுபடுவதில்லை. பல்கலைக்கழக கல்வி ஒப்பீட்டளவில் ஒரு சிறிய தொகையினருக்கே கிடைக்கின்றது.
மற்றவர்கள் அதை எப்படி பெறுவது? இப்படி பல கேள்விகள் பல சிக்கல்கள் அங்குள்ள மாணவர்களிற்கு உள்ளது. இதேவேளை வேலையுடன் கல்வி என்பதை மாணவர்கள் நினைத்து பார்ப்பது குறைவு. வேலை கிடைத்தால் கல்வியை மாணவர்கள் மறந்து விடுகின்றனர். இது அவர்களின் முன்னேற்றத்தை தடுக்கின்றது. இவற்றிக்கு காரணம் அவர்களுக்கு சரியான வழி காட்டுதல்கள் இல்லாமையே.
இதற்க்கு தீர்வாக இலங்கையின் முன்னணி கல்வி நிறுவனங்களாக திகழும் IDM City Campus நிறுவனம், யாழ்ப்பாணத்தில் கற்கை நெறியினை வழங்கும் Wisdom Business academy நிறுவனம், BCAS கல்வி நிறுவனம், KBBS நிறுவனம், ஆகியன இந்த கருத்தரங்கில் பங்கு பற்றுகின்றன.
இவற்றின் மூலமாக தங்களுக்கு தேவையான கல்வி நடவடிக்கைகள் தொடர்பில் மாணவர்கள் தெரிவுகளை செய்ய முடியும். இதேவேளை தனி தனியாக மாணவர்கள் தங்கள் சந்தேகங்களை தங்களுக்கு தேவையான கல்வி நிறுவனங்களுடன் கதைத்து, கேட்டறிந்து நிவர்த்தி செய்து தேவையான கல்வி நடவடிக்கைகளை தெரிவு செய்ய முடியும்.
உயர்தரம் முடித்த மாணவர்கள் பலகலை கழகத்திற்கு தெரிவாகிவிட்டால் அதற்க்கு எவ்வாறு தங்களை தயார் செய்ய வேண்டும்? அதற்க்கு முன்னர் எவ்வாறான கல்வி நடவடிக்கைகளில் ஈடு பட வேண்டும் என்பது தொடர்பிலும் இந்த கருத்தரங்கு மூலம் தெளிவாக்கல் செய்யப்படவுள்ளது. பல்கலைகழகத்தில் உள்ள வவுனியா தமிழ் மத்திய மகா வித்தியாலயத்தின் பழைய மாணவர்கள் முழுமையாக இந்த செயற் திட்டத்தை செய்யவுள்ளனர்.
இந்த கருத்தரங்கை வவுனியா தமிழ் மத்திய மகா வித்தியாலயத்தின் கொழும்பு பழைய மாணவர் சங்கம் ஏற்பாடு செய்துள்ளது. தங்கள் பாடசாலையில் எதிர்வரும் செபடம்பர் மாதம் 08 ஆம் திகதி இந்த கருத்தரங்கை நடாத்துகின்றனர். தனியாக தங்கள் பாடசாலை மாணவர்களிற்கு என மட்டுப்படுத்தாமல் வவுனியா மாவட்ட மாணவர்கள் முழுமையாக பயன் பெற வேண்டும் என்ற நோக்கில் அனைத்து மாணவர்களிற்கும் ஏற்பாடு செய்துள்ளது.
இந்த கல்வி நடவடிக்கைகள் தொடர்பில் பெற்றோரினது பங்கும் நிறையவே இருப்பதனால் இந்த கருத்தரங்கிற்கு பெற்றோர்கள் விரும்பினால் வர முடியும்.
இந்த கருத்தரங்கு முழுமையாக இலவசமாக நடைபெறவிருப்பதனால் மாணவர்களிற்கு பயன் தரக் கூடியதாக இருக்கும் என்பதில் எந்த ஐயமும் இல்லை. இவ்வாறான அரிய வாய்ப்பு இலகுவில் வவுனியா மாவட்ட மாணவர்களிற்கு கிடைக்காது என்பதனால் இந்த கருத்தரங்கில் அனைவரையும் பங்கு பற்றுமாறு கருத்தரங்கு ஏற்ப்பட்டளர்கள் அழைக்கின்றனர்.
இந்த கருத்தரங்கிற்கு வீரகேசரி பத்திரிக்கை, ஜீனியஸ் பத்திரிக்கை என்பன ஊடக அனுசரணை வழங்கும் அதேவேளை ஸ்போர்ட்ஸ்களம் இணையமும் ஊடக அனுசரணை வழங்குகின்றமை குறிப்பிடத்தக்கது.
