இன்று (27.07.2016) வவுனியா பூங்கா வீதியில் நகரசபை வாகனமும் மோட்டார் சைக்கில் ஓன்றும் விபத்துக்குள்ளானது. இவ் விபத்தில் ஒருவர் படுகாயமடைந்துள்ளார். இச் சம்பவம் தொடர்பாக மேலும் தெரியவருவதாவது..
வவுனியாவிலிருந்து பூங்கா வீதியுடாக பயணித்த வவுனியா நகரசபையின் வாகனம் நூலக வீதிக்கு திரும்ப முற்பட்டபோது வைரவப்புளியங்குளத்திலிருந்து வவுனியா நோக்கி பயணித்த மோட்டார் சைக்கில் மீது மோதி விபத்துக்குள்ளானது.
இவ் விபத்தில் மோட்டார் சைக்கிலை செலுத்திவந்தவர் படுகாயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளார்.
இச் சம்பவம் தொடர்பான மேலதிக விசாரணைகளை வவுனியா பொலிசார் மேற்கொண்டு வருகின்றனர்.
