அமெரிக்காவில் பியர் குடித்து அதன் சுவை அறிந்து விமர்சித்து கட்டுரை எழுதுபவர்களுக்கு 43 லட்சம் ரூபாய் சம்பளம் தருவதாக அமெரிக்க தேசிய அருங்காட்சியகம் தெரிவித்துள்ளது.
அமெரிக்க தலைநகர் வாஷிங்டனில் உள்ள தேசிய அருங்காட்சியகம் வேலைக்கான ஒரு பணியிடத்தை அறிவித்தது.
இதில் அமெரிக்கா என்ற தனி நாடு உருவாவதற்கு முன்னர் இருந்த பியர் மற்றும் உணவு பழக்கவழக்கங்கள் ஆகியவை தொடர்பாக நாடு முழுவதும் சுற்று பயணம் மேற்கொள்ள வேண்டும்.
மேலும் அமெரிக்கா முழுவதும் சுற்று பயணம் மேற்கொண்டு அதன் ஆலைகளில் தயாரிக்கப்படும் பியர் வகைகளை சுவைத்து அது தொடர்பாக ஆய்வு கட்டுரைகளை சமர்பிக்க மூன்றாண்டுகள் குத்தகை அடிப்படையில் ஆட்கள் தேவை என தேசிய அருங்காட்சியகம் அறிவித்தது.
இவ்வேலையில் தேர்ந்தெடுக்கப்படும் நபருக்கு, ஆண்டு ஒன்றுக்கு 64,650 டொலர்கள் தரப்படும் என அறிவித்தது.
இதனால் லட்சக்கணக்கானோர் இவ்வேலைக்கு விண்ணப்பித்து வருகின்றனர்.மேலும் வரும் ஆகஸ்ட் 10 ம் திகதி தான் கடைசி நாள் என்பதால் இன்னும் பல லட்சவிண்ணப்பங்கள் வரலாம் என்று எதிர்பார்க்கப்படுகிறது.
தற்போது அந்த இணையதளத்தின் Sever CRASH ஆகிப்போனதாக கூறப்படுகிறது.
