இளம் வயதில் காதலி : டோனிக்குள் ஒரு சோகம்!!

இந்திய அணியின் ஒருநாள் மற்றும் T20 போட்டி தலைவரான டோனிக்கு இளம் வயதில் காதலி ஒருவர் இருந்த விடயம் தற்போது தெரியவந்துள்ளது.

இந்தியாவின் சாதனை தலைவரான டோனியின் வாழ்க்கையை மையமாக வைத்து M.S. Dhoni: The Untold Story என்ற பெயரில் திரைப்படம் எடுக்கப்பட்டுள்ளது.

இது எதிர்வரும் செப்டெம்பர் மாதம் 30ம் திகதி வெளியாகவுள்ள நிலையில், இதில் டோனியின் இளவயது காதலி பற்றியும் இடம்பெற்றிருப்பதாக கூறப்படுகிறது.

டோனி தனது 20வது வயதில் பிரியங்கா ஜா என்பவரை காதலித்துள்ளார்.

இருவரும் தீவிரமாக காதலித்துக் கொண்டிருந்த நேரத்தில் தான் டோனி, (2003- 04) கென்யா, ஜிம்பாப்வே சென்ற ’ஏ’ அணியில் தெரிவாகி இருந்தார். இதைத் தொடர்ந்து பாகிஸ்தான், கென்யா அணிகள் பங்கேற்ற முத்தரப்பு தொடரிலும் விளையாடினார்.

காதலி கொடுத்த உற்சாகத்தில் 6 போட்டியில் 2 சதம் உட்பட 362 ஓட்டங்கள் குவித்து அப்போதைய அணித்தலைவர் கங்குலியின் பார்வையை தன் பக்கம் திருப்பினார்.

இந்நிலையில் காதலி பிரியங்கா ஜா ஒரு சாலை விபத்தில் மரணமடைய நாடு திரும்பிய டோனி, மிகவும் துவண்டு போனார். ஒரு ஆண்டு கிரிக்கெட் பக்கம் தலைவைத்து கூட படுக்கவில்லை.

பின்னர் இந்த சோகத்தில் இருந்து மீண்ட டோனி (2004-05) விசாகப்பட்டினத்தில் பாகிஸ்தானுக்கு எதிராக (148 ஓட்டங்கள்) அதிக ஓட்டங்கள் எடுத்த அணித்தலைவர் என சாதனை படைத்தார்.

இதன் பின்னரே சாக்க்ஷியை சந்தித்த டோனி அவரை மணந்து கொண்டார். டோனியின் இந்த கதை படத்தில் இணைக்கப்பட்டுள்ளதாம்.