தென் பிரான்ஸ் நகர் ஒன்றில் ஆர்ப்பாட்டக்காரர்கள் வைன் குழாயை உடைத்ததால், வீதியில் வைன் வெள்ளம் பெருக்கெடுத்து ஓடியது.
வைன் வெள்ளத்தைக் கட்டுப்படுத்த, அவசர சேவைகள் பணியில் ஈடுபடுத்தப்பட்டன. தரையின் கீழ் தளத்தில் உள்ள கார் நிறுத்துமிடங்களுக்குள் வைன் வெள்ளம் புகுந்துவிடாமல் தடுக்க தீவிர நடவடிக்கைகள் எடுக்கப்பட்டன.
பிரான்ஸ் நாட்டின் மிகப்பெரிய வைன்உற்பத்தி பிராந்தியங்களில் ஒன்றான லாங்குடாக் – ருசிலோன் என்ற துறைமுக நகரில் உள்ள செடே பகுதியில் இந்தப் போராட்டம் நடந்துள்ளது.
இந்தச் சம்பவத்தில் ஈடுபட்டவர்கள், வைன் உற்பத்தியாளர்களுக்கான பிராந்திய நடவடிக்கைக் குழு (க்ரேவ்) என்ற தீவிரவாதக்குழுவைச் சேர்ந்தவர் என தங்களைக் கூறிக் கொண்டதாக உள்ளூர் ஊடகங்கள் தெரிவித்துள்ளன.
ஸ்பெயினில் இருந்து மிக மலிவான விலையில் வைன் இறக்குமதி செய்யப்படுவதைக் கண்டித்தே இந்தப் போராட்டங்கள் நடந்திருப்பதாக தாக்குதலில் ஈடுபட்டவர்கள் கூறுகின்றனர்.
