சுவாதி கொலை வழக்கில் கைதாகியுள்ள ராம்குமாரை பொலிசார் புழல் சிறையில் வைத்து வீடியோ எடுத்துள்ளனர்.
கடந்த யூலை 2 ஆம் திகதி சுவாதி கொலை வழக்கில் கைது செய்யப்பட்ட ராம்குமார் சென்னை புழல் சிறையில் அடைக்கப்பட்டார்.
இந்நிலையில் புழல் சிறையில் இருக்கும் ராம்குமாரை அடையாளம் காண கடந்த மாதம் பொலிசார் அணி வகுப்பு நடத்தினர்.
இந்த வழக்கில் சுவாதி கொலை செய்யப்பட்ட போது பதிவான வீடியோவில் உள்ள உருவம், ராம்குமார் உருவத்துடன் ஒத்துப்போகிறதா என்பதை அறிய ராம்குமாரை வீடியோ எடுக்க பொலிசார் நீதிமன்றத்தில் அனுமதி கேட்டனர். இதற்கு ராம்குமார் வழக்கறிஞர் எதிர்ப்பு தெரிவித்தார்.
இந்த வழக்கை விசாரித்த நீதிபதி பிரகாஷ், ராம்குமாரை புழல் சிறையில் வீடியோ எடுக்க அனுமதி வழங்கினர். அதன் பின்னர் பொலிசார் ராம்குமாரை புழல் சிறையில் சுமார் அரை கிலோ மீற்றர் நடக்க வைத்து வீடியோ எடுத்து பதிவு செய்தனர்.
தற்போது எடுக்கப்பட்ட வீடியோவும், சுவாதி கொலைசெய்யப்பட்ட போது பதிவான வீடியோவும் ஒத்துப்போகிறதா என பொலிசார் விசாரணை நடத்த உள்ளதாக கூறப்படுகிறது.
