கன்னிச் சதமடித்த தனஞ்சய டி சில்வா : தடுமாற்றத்திலிருந்து மீண்ட இலங்கை அணி!!

இலங்கை மற்றும் அவுஸ்திரேலிய அணிகளுக்கு இடையிலான இறுதி டெஸ்ட் போட்டியில் தனஞ்சய டி சில்வா சதம் அடித்து சாதனை படைத்துள்ளார்.

முதலில் துடுப்பெடுத்தாடிய இலங்கை அணி ஆரம்பத்தில் 26 ஓட்டங்களுக்கு அடுத்தடுத்து 05 விக்கட்டுக்களை இழந்து தடுமாறியது.

எனினும் தனஞ்ச டி சில்வா மற்றும் சந்திமால் ஆகியோர் இணைந்து அணியின் ஓட்ட எண்ணிக்கையை அதிகரித்து அணிக்கு நம்பிக்கை சேர்த்தனர்.

தொடர்ந்து களத்தில் ஆட்டமிழக்காதிருக்கும் தனஞ்ச டி சில்வா இன்றய ஆட்ட நேர முடிவில் 116 ஓட்டங்களையும் தினேஷ் சந்திமால் 64 ஓட்டங்களையும் பெற்று துடுப்பெடுத்தாடி வருகின்றனர்.

இன்றய முதல்நாள் முடிவில் இலங்கை அணி 5 விக்கட்டுகளை இழந்து 214 ஓட்டங்களைப் பெற்றுக்கொண்டுள்ளது.