அமெரிக்காவின் ஜனாதிபதி தேர்தலில் குடியரசு கட்சி சார்பாக போட்டியிடும் டொனால்ட் டிரம்ப்பின் நிர்வாண உருவ சிலைகள் அமெரிக்காவில் பொது இடங்களில் வைக்கப்பட்டிருந்தமை பெரும் பரபரப்பை ஏற்படுத்தியுள்ளது.
டொனால்ட் டிரம்பின் நிர்வாண சிலை சன் பிரான்சிஸ்கோ, லொஸ் ஏஞ்சல்ஸ், கிளீவ்லன்ட், சியாட்டில், மற்றும் நியூயோர்க் ஆகிய நகரங்களில் உள்ள முக்கிய பொது இடங்களில் வைக்கப்பட்டுள்ளது.
இண்டி கிளின் என்ற குழுவை சேர்ந்தவர்களே இச்செயலை செய்துள்ளதாக கூறப்படுகிறது, மேலும் சிலைக்கு கீழ் ஒரு பெயர் பலகையில் “The Emperor Has No Balls.” INDECLINE என பொரிக்கப்பட்டுள்ளது.
டொனால்ட் டிரம்ப் தேர்தல் பிரச்சாரத்தின் போது சர்ச்சை மிகுந்த கருத்துகளை கூறிய போதேல்லாம், இண்டி கிளின் (INDECLINE) குழு அதற்கு எதிர்ப்பு தெரிவிக்கும் வகையில் பல வித்தியாசமான வழிகளில் போராட்டம் நடத்தி வந்தமை குறிப்பிடத்தக்கது.
டிரம்ப்பின் நிர்வாண சிலையை பார்வையிடும் பொது மக்கள், அதன் அருகில் நின்று புகைப்படம் எடுத்து சமூக வலைத்தளங்களில் பதிவேற்றியும் வருகின்றமையும் குறிப்பிடத்தக்கது.