திருச்சியைச் சேர்ந்த சுரேந்திரன், தனது மகன் மலையமானை வைத்து கோலாகலம் என்ற திரைப்படத்தை தயாரித்து இயக்கினார்.
இவரது வயது 25, இந்நிலையில் அதே திருச்சியைச் சேர்ந்த தீபா என்ற பெண்ணுடன் மலையமானுக்கு காதல் ஏற்பட்டது. தீபா மலையமானை விட 10 வயது மூத்த பெண் என்பதால் மலையமான் காதலுக்கு சுரேந்திரன் கடும் எதிர்ப்பு தெரிவித்தார்.
பெண் வீட்டார் தலைமையில் நிச்சயிக்கப்பட்டபடி நேற்று (19ம் திகதி) மலையமான், தீபா திருமணம் நடத்த ஏற்பாடு தடபுடலாக நடந்தது. இத்திருமணத்தை எப்படியாவது தடுத்து நிறுத்த வேண்டுமென திருச்சி மாநகர போலீஸ் கமிஷனரிடம் சுரேந்திரன் புகார் செய்தார். ஆனால் அவர்கள் இரண்டு பேரும் மேஜர் என்பதால் எதுவும் செய்ய முடியாது என்று தெரிவித்தனர்.
இதன் பின் நாளிதழுக்கு பேட்டி அளித்த சுரேந்திரன், என் மகனை கடத்தி வீட்டு சிறையில் வைத்து திருமணம் நடத்தி உள்ளனர். எனது மகன் மாய வலையில் விழுந்து விட்டான். விபரம் தெரிந்த பிறகு என்னிடம் மீண்டும் வருவான் என்று தெரிவித்தார்.
