பிரித்தானியாவில் இளைஞர் ஒருவர் தனது கனவுக் காதலியை கண்டுபிடிக்க தன்னை தெரியுமா? என்று எழுதப்பட்ட சுவரொட்டிகளை சுவர்களில் ஒட்டியதன் மூலம் காதலியை கண்டுபிடித்துள்ளார்.
பூம்டவுன் விழாவில் Nick Hopton என்ற இளைஞர் ஒருவர் தனது கனவு காதலியை கண்டுள்ளார். ஆனால் அவரிடம் தொலைபேசி எண்ணை வாங்க மறந்து விட்டதால் மிகுந்த மன உளைச்சலுடன் இருந்தார்.
இந்நிலையில், Nick Hopton முகநூலில் தேடியும் கிடைக்கவில்லை. இரண்டு வாரங்கள் கடந்தது. மிகுந்த வருத்தத்துடன் இருந்த Nick Hopton திடீரென்று என்னை தெரியுமா? என்ற வாசகம் பொருந்திய சுவரொட்டிகளை தெருக்களிலும், பேருந்து நிறுத்தங்களிலும் ஒட்ட ஆரம்பித்தார்.
இதையடுத்து, அந்த பெண் அந்த சுவரொட்டிகளை பார்த்து விட்டு , குறிப்பிட்ட இளைஞருக்கு போன் செய்து பேசியுள்ளார். இருவரும் சந்திக்க ஏற்பாடுகள் செய்தனர்.
பின்பு, அந்த பெண்ணை சந்தித்து பேசிய Nick Hopton மிகவும் மகிழ்ச்சியாக இருக்கிறது, இவ்வளவு சீக்கிரம் நான் உங்களை சந்திப்பேன் என நினைக்கவில்லை. பல அழைப்புகள் வந்தன. ஆனால் இப்பொழுது தான் உண்மையான ஃப்ரேயா வை சந்திக்கிறேன் என தெரிவித்துள்ளார்.
