வெயில் தொடங்கி தற்போது ராஜா ராணி வரை இசையமைத்து வருபவர் ஜீ.வி.பிரகாஷ். இவர் முதன்முறையாக புதிய படம் ஒன்றை பிரம்மாண்டமான முறையில் தயாரித்து வருகிறார்.
மதயானைக்கூட்டம் என்று பெயரிடப்பட்டிருக்கும் இப்படத்தில் கதிர் நாயகனாக அறிமுகமாகிறார். இவருக்கு ஜோடியாக ஓவியா நடிக்கிறார். இவர்களுடன் வே.வ.ராமமூர்த்தி விஜி சந்திரசேகர் உள்ளிட்ட பலர் நடிக்கின்றனர்.
பாலுமகேந்திராவிடம் இணை இயக்குனராகவும், வெற்றிமாறனுடன் ஆடுகளம் படத்தில் வசனகர்த்தா மற்றும் இணை இயக்குனராக பணியாற்றிய விக்ரம் சுகுமார் இப்படத்தை இயக்குகிறார். சுந்தரபாண்டியன் படத்திற்கு இசையமைத்த என்.ஆர்.ரகுநந்தன் இசையமைக்கிறார்.
தேனி மாவட்டத்தில் உள்ள இரு முக்கிய குடும்பங்களில் நடைபெறும் சம்பவங்கள், செய்முறைகள், பழக்க வழக்கங்களை மையமாகக் கொண்டு, அனைத்து தரப்பினரும் ரசிக்கும் வண்ணம் ஜனரஞ்சகமாக உருவாகி வருகிறது. இப்படத்தின் முழுப் படப்பிடிப்பும் தேனி மற்றும் கேரளாவைச் சுற்றியே நடந்து முடிவடைந்துள்ளது.
இப்படத்தின் பர்ஸ்ட் லுக் போஸ்டர் சமீபத்தில் வெளியிடப்பட்டது. இதைத் தொடர்ந்து இசையை செப்டம்பர் மாதம் வெளியிட முடிவு செய்துள்ளனர். ஒக்டோபரில் படத்தை வெளியிடவிருக்கின்றனர்.
