டி.வி. நிகழ்ச்சிகள் நடத்திய சிவகார்த்திகேயன் மெரினா படத்தின் மூலம் வெள்ளித்திரையில் அறிமுகமானார். அதன்பின் மனங்கொத்தி பறவை, 3, எதிர் நீச்சல், கேடி பில்லா கில்லாடி ரங்கா போன்ற படங்களில் நடித்தார்.
தற்போது வருத்தப்படாத வாலிபர் சங்கம், மான் கராத்தே போன்ற படங்களில் நடித்து வருகிறார். எதிர் நீச்சல் படத்தை நடிகர் தனுஷ் தயாரித்திருந்தார். இதன்மூலம் இருவரும் நட்புடன் பழகி வருகின்றனர். சிவகார்த்திகேயன் என் தம்பி என்று தனுஷ் சொல்லும் அளவிற்கு இவர்களது நட்பு பலமாக இருந்து வருகிறது.
சில நாட்களுக்கு முன் சிவகார்த்திகேயன் தனது திருமண நாளை கொண்டாடினார். இதில் தனுசை சிறப்பு விருந்தினராக அழைத்து விருந்து வைத்து அசத்தினார்.
விருந்து குறித்து தனுஷ் இணைய தள செய்தியி்ல் சிவகார்த்திகேயன்- ஆர்த்திக்கு திருமண வாழ்த்துக்கள். விருந்து வழங்கியதற்கு நன்றி என்று எழுதியுள்ளார்.
