பசங்க படம் மூலம் அறிமுகமான விமல் தற்போது முன்னணி நடிகராகியுள்ளார். இவர் நடிப்பில் வெளிவந்த கலகலப்பு, கேடி பில்லா கில்லாடி ரங்கா படங்கள் ஹிட்டாயின. தற்போது தேசிங்குராஜாவும் ரிலீசாகி வெற்றிகரமாக ஓடுகிறது.
இதனால் சம்பளத்தை 3 கோடி வரை உயர்த்திவிட்டதாக செய்திகள் பரவி உள்ளன. தேசிங்குராஜா படக்குழுவினர் சார்பில் சென்னையில் நடந்த பத்திரிகையாளர்கள் சந்திப்பில் விமலிடம் 3 கோடி சம்பளம் கேட்கிறீர்களா? என்று கேட்கப்பட்டது.
இதற்கு பதில் அளித்த விமல் அதிகம் சம்பளம் கேட்டு நான் நிர்ப்பந்தம் செய்யவில்லை. கதையை பொறுத்தே சம்பளம் கிடைக்கிறது. நல்ல கதையாக இருந்தால் கொடுப்பதை வாங்கி கொள்கிறேன். கொஞ்சம் முன்ன பின்ன இருந்தாலும் அதற்கேற்ற தொகையை வாங்கிக் கொள்கிறேன்.
விரலில் துண்டை போட்டு பேரம் பேசுவதுபோல் சம்பளம் பற்றி பேசுகிறார்கள். தேசிங்கு ராஜா படம் ஹிட்டாகி வெற்றிகரமாக ஓடுவது சந்தோஷமாக இருக்கிறது. இயக்குனர் எழில் முழு நீள காமெடி படமாக சிறப்பாக எடுத்துள்ளார். பாடல்களும் நன்றாக வந்துள்ளது என்று அவர் கூறினார்.
