ஒருநாள் தொடரில் மோசமாக தொடரை பறி கொடுத்த இலங்கை அணி, T20 தொடரில் அதிரடி மாற்றங்களுடன் களமிறங்கவுள்ளது.
அவுஸ்திரேலியாவுக்கு எதிராக இலங்கை அணி 2 டி20 போட்டிகள் கொண்ட தொடரில் விளையாடுகிறது. இந்த தொடருக்கான இலங்கை அணியை கிரிக்கெட் சபை இன்று அறிவித்துள்ளது.
இதில் ஒருநாள் தொடரில் இருந்து ஓய்வு பெற்றுள்ள டில்ஷான் இடம்பெற்றுள்ளார். இவர் இந்த தொடருடன் சர்வதேச கிரிக்கெட் போட்டிகளில் இருந்து விடைபெறுகிறார்.
மேலும், சிறிவர்த்தனே, திசர பெரேரா ஆகியோரும் இந்த அணியில் இணைத்துக் கொள்ளப்பட்டுள்ளனர்.
மத்யூஸ் காயம் காரணமாக தொடரில் இருந்து விலகியுள்ள நிலையில், சந்திமால் தலைவராக செயல்படவுள்ளார்
இலங்கை T20 அணி
குசால் ஜனித் பெரேரா, குசால் மெண்டிஸ், தினேஸ் சந்திமால் (அணித்தலைவர்), திலகரட்ன தில்ஷான், தனஞ்சய டி சில்வா, சாமர கபுகெதர, சச்சித்ர பத்திரன, மிலிந்த சிறிவர்த்தனே, சுரங்க லக்மால், திசர பெரேரா, சச்சித்ர சேனாநாயக்க, சீகுகே பிரசன்ன, தசுன் சானக, கசுன் ராஜித.